تلاكيك أيام الامتحانات

دى حركات كلنا بنعملها لما بيقرب ميعاد الامتحان


وطبعا احنا أساتذه فى فن تضييع الوقت

1-الثلاث وجبات الرئيسية لازم تقعد عليها أول واحد وما تقومش الا آخر واحد يا حرام جعانين يا عينى من كتر المذاكره ده غير طبعا التسالى (اللب والترمس والشيبسى وغيره وغيره)




2-دايما ياعينى تعبانين وطفشانين ومش قادرين نذاكر وحاسين بخنقه قال يعنى الظاهر كده ان حد ادانا عين وحسدونا وقررروا علينا هههههه وكل ده طبعا عشان لو سقطت (بعد الشر طبعا) يقولوا دى كانت عين




3-




النوم بقى تقولش الجو والهواء اللى بنتنفسه فيه منوم وبناكل منوم تصحى من النوم عشان تنام لاء وكل اما تصحى تقول كويس انى نمت عشان اصحى اسهر وادح بقى وبتاع لكن يدوب تجيب الورق من هنا وتعمل مسأله ولا حاجه وتلاقى حبيبك السرير بينادى عليك




4-ولا النظافه بقى لازم نروق الكتب والمكتب قبل المذاكرة ونطلع كل الورق ونشوفه نتخض ونقفل كل حاجه


والبنات كل شويه تعمل سيشوار لشعرها يا عينى منتهى الروقان والله




5-وبعديين لما أخيرا تيجي تذاكر وربنا هداها للمذاكره تسيب الكتاب على جنب وتقوم تقيس الفساتين اللي عندها عشان بعد الأمتحانات على طول فيه خطوبة فلانه بنت فلان لازم تحدد حتلبس أيه(يعني قبل الهنا بسنة) لا و ليلة الامتحان عند الخياطة رايحه تعمل بروفه (بالرغم أن الخياطة بقيت موضة قديم بس أهو تلكيكة علشان متذاكرش)




6-ولا صلة الرحم فجأه تنزل علينا ونحب نزور قرايبنا ونقعد معاهم او نتصل بيهم أو بأصحابنا من زمان مسمعناش صوتهم ونقعد نرغى قد كده




7-والبنات فجأه تحب مساعدة ماما أوى فى المطبخ كل أما نلاقى ماما دخلت المطبخ من هنا واحنا وراها خليكى ياماما وارتاحى انتى وانا هساعدك







ربنا يهدينا كلنا ونذاكر وربنا معانا ان شاء الله